புத்தாண்டு கணக்கு!

 

 மருத்துவர் சொன்ன தேதியில் அல்லாமல்
சரியாக ஒன்றாம் தேதியில் பிறந்த மழலையே
உனக்கு இன்றோடு முடிகிறது அகவை 2011,
நாளை உனக்கு பிறந்தநாள்
உலகே கொண்டாடும் சிறந்த நாள்
மிடுக்கென தொடக்கி விடுக்கென
முடியாதே, இம்முறையாவது ...

புதிய செயல்கள் பல தொடங்க வேண்டும்,
தொழில் முன்னேற்றம் பெருக வேண்டும்,
பணபுழக்கம் நிறைய வேண்டும்,
இழந்த வீட்டை மீட்க வேண்டும்,
இல்லத்தரசி கிடைக்கவேண்டும்,
இனிமை சொல்லும் குழந்தைகள் சிரிக்க வேண்டும்,
நண்பர்கள் நலம் பாராட்டவேண்டும்..

இப்படி பல கணக்குகள்,
பெருக்காமலே முடிந்தது இவ்வாண்டு
வருமாண்டில்லாவது இக்கணக்கை
முடிக்கும் முயற்சியில்
அடியெடுத்து வைக்கிறேன், என்
எதிர்கால கணக்கை தொடங்க 2012 இல் .....