Tuesday, January 15

இதில் எதுவும் எனதில்லை!



நிஜங்களை நிகழ்த்திட
நிழல்களில் தேடுகிறேன்,
நினைவுகள் மட்டுமே
இனிக்கிறதே,

கடல் மொழி காற்று,
உடல் மொழி அசைவு,
குடல் மொழி பசி,
மடல் மொழி எழுத்து,
திடல் மொழி அமைதி,
இப்படி எல்லாம்,

ஒவ்வொன்றாய்,
ஒன்றோடு ஒன்றாய்
ஒன்றன்பின் ஒன்றாய்,
ஒன்றி உரசி,
ஒருக்கணம் எனை,

பிணைக் கைதியாக்குமோ,

பிறந்த தேதி
மறக்குமோ,
மீண்டும் பிறக்க,
வழி வகுக்குமோ,
தீண்டும் நெருப்பினில்,
சொல்லெடுத்து - புதுக்
கவிதை வடித்துக்
கொடுக்குமோ,

இதில் எதுவும் எனதில்லை,
எனக்கானதும் எதுவுமில்லை.


எழுத்தோலை!

Sunday, January 13

கனாக்கள் பழுதடைந்து!



புறாக்கள் கூடுக்கட்டும்,
விழாக்கள் கானா
கோபுரங்கள் போலே - என்,
கனாக்கள் பழுதடைந்து
வினாக்கள் எழுப்புதே!


எழுத்தோலை!

தமிழர் திருநாள் மற்றும் புத்தாண்டு வாழ்த்துக்கள்



உழுதிட எருதுகள் பூட்டி,
அறுவடைக்கு பிளிருகள் கூட்டி,
நெற்கதிர் சிரித்திட வேண்டி,
கழனியில் காலூன்றிடும் உழவன்,
பாருக்கெல்லாம் அவனே தலைவன்,
அவனிருக்கும் திசையிலே உதிக்குமோ,
பகலவன் தினமும் கிழக்கினில்,

உழவர் இன்றி ஓர் அணுவும் அசைந்திடுமோ,
தை திருநாளில் வணங்குவோம் அவர்களையே,
புத்தாண்டில் புது உலகம் படைத்திடவே,
புறப்பட்டு வா தோழா, உழவை காத்திடவே.

இனிய தமிழர் திருநாள் மற்றும்
புத்தாண்டு வாழ்த்துக்கள் - உலக
தமிழர்கள் அனைவருக்கும்.


எழுத்தோலை!

Saturday, January 12

அன்றில்!


ஒற்றை ஜோடியாய்
தொடங்கிய வாழ்க்கை,
இன்று - கொட்டகை
நிரம்ப எத்தனை பிள்ளைகள்,

எங்கள் வீட்டு அன்றில்
பறவைகளை சொல்கிறேன்,
வந்த நாள் முதல்,
இந்த நாள் வரை,

நான் இன்னும் தனியே.

எழுத்தோலை!

Tuesday, January 8

வெற்றி இலக்கை, விடாது துரத்து!


பரந்து விரிந்த ஆகாயம் அருகில்,
பருந்து ஒன்று வட்டமிட்டு,
தலை குனித்து கீழே
கண்ணை சுழற்றி,
இலக்கை விடுக்கா,
இடைவிடா தேடுமோ,

பருந்தாய் நாமும்
ஆகிவிட முடியுமோ?
விடா முயற்சியில் அதனை
வென்றிட முடியுமோ?

வெற்றி இலக்கை,
விடாது துரத்து.


எழுத்தோலை!

Monday, January 7

வாழும் தமிழை வளர்ப்போம் !


ஐயன் திருவள்ளுவர் தின நாளை
முன்னிட்டு, அவருக்கான  என்
எழுத்தோலை மாலை!
-------------------------------------------

அழியாத வான் புகழை,
ஐயன் வள்ளுவனும்
தனதாக்கிக்கொண்டு,
வாழையடி வாழையாய்,
தமிழ் வளம் தழைத்தோங்க,
அறம், பொருள், இன்பம் தந்து,

உலகப் பொதுமறையாய்,
அயல் நாட்டவனும்
போற்றும்,
புகழ்ப் பாடும்,
வழித் தொடரும்,
வாழ்வியல் ஆதாரம்
கண்டோம், வென்றோம்,
உங்களால் நாங்கள்,

தமிழும், தமிழரும் இரண்டாயிரம்
ஆண்டுகள் முந்தய பழமை என்பது
பொய்யே,
இருபதினாயிரம் ஆண்டுகள்
பழமை உண்மையை,
கடலுக்கடியில் புதைத்துவிட்டு,
ஒன்னும் தெரியாத பிள்ளைகள் போலே,
உலா வரும், தமிழர் நாமோ?

சிந்தையில் அழுந்தும்
முந்தய மொழிகளில்,
என் தமிழுக்கு நிகர்,
எம்மொழியும் உண்டோ?

தமிழுக்கு தலைவணங்கு,
இன்று ஐயன் வள்ளுவனுக்கு
சிறந்த நாளாம் - அவர்ப்
பாதத்திலும் விழுந்து வணங்கு,

வாழும் தமிழை வளர்ப்போம் - நம்
பிள்ளையைப் போலே பேணிக் காப்போம்.


எழுத்தோலை!

பயணங்கள் முடிவதில்லை!


எனக்குப் பின்னே ஏறிய
எத்தனையோ பேர்,
எனக்கு முன்னே
இறங்கி விட்டனர்,
பேருந்து நிறுத்தத்தில்,
சரியான நேரத்தில்,

முடிவில்லா பயணத்தில்,
நான் இன்னும் பயணியாய்,
நிறுத்தம் தெரியா,
குழப்பமடைந்து,
சோர்ந்திருக்கிறேன்,

பயணங்கள் முடிவதில்லை,
முடியவும் போவதில்லை,
எனக்கும் மட்டும், என்றும்.


 எழுத்தோலை!

Sunday, January 6

அந்த நொடி!


ஒற்றை இதழின்
சிரிப்பு சத்தம்,
ஓரப் பார்வை
உயிரை உரசும்,
மொத்த உருவம்
எந்தன் பக்கம்,

திரும்ப,
நெருங்க,
சறுகாய்
கருகும்,
இதயம்
எனதும்,

உயிர் இருந்தும்,
துடிக்காமலே
மறந்து,
இருந்து,
உறைந்து,
மயங்கி விழுமோ,

கண்கள் - உன்
கண்கள் இரண்டும்,
உருளும்,
புரளும்,
சுருளும்,
நடிக்கும்,
நொடிகள்
தானே,

என்னை உயிருடன்
எரிக்கும்,
தருணங்களாய்
தினமும்,
நகர் வலம்
வருதே,

மறுப்பேனா,
மறப்பேனா,
மறைப்பேனா,
மறைவேனா,
எதுவும்,
என்னிடத்தில் இல்லையடி,

சொல்லாமல்,
கொல்லாமல் - எனை,
கொள்ளாமல்,
போனாலே,
இல்லாமல்
போய்விடுவேனே,

இவுலகினில்,
நானே.




எழுத்தோலை!

Saturday, January 5

வயலும், வாழ்வும்...!


சனவரி பதினைந்தில் (15), முப்பெரும் விழாவில்,
தமிழகக் கவிஞர் கலை இலக்கிய சங்கத்தின்,
321 ஆவது தொடர் கவியரங்கத்தில்,
நான் பாடப்போகும் கவிதை.

தலைப்பு: வயலும், வாழ்வும்...!
--------------------------------------------------

ஆதாரம்,
வாழ்வியல் ஆதாரம்,
வாயலோடு வாழ்வும்,
வாழ்வோடு வயலும் தானே?

சேற்றினில் காலும்,
சோற்றினில் கையும்,
கலந்திடத் தானே,
வயலும், வாழ்வும் நிலைக்கும்,

அதை விடுத்து,
உழுவதை நிறுத்தி,
ஏர்ப் படுமிடமெல்லாம்,
நீள , அகல, சதுரங்களாய் மாற்றி,
மனைப் போட்டு விற்றால்,
மனிதன் குடிப் புகுந்து வாழ,
குழந்தைப் பேரு காண,
குலம் தலைக்கும் - ஆனால்,
குடல் நிறைய வழியுண்டோ ?

நகரங்கள் பெருக - துணை
நகரங்கள் தேடலில் - மிச்ச,
சொச்ச வயல்களும், வரப்புகளும்,
காட்டுத் தீப்போல் எரியுது, மறையுது,

அடுத்து, அடுத்து மனைக் கண்டு,
அடுக்குமாடி கட்டிடம் நின்று,
ஆயிரம் காலப் பயிர்கள் எல்லாம்,
சில ஆயிரம், லட்சங்கள் ஆசையினாலே,
அடுத்த தலைமுறையினர்,
வயிற்றை மறப்பதோ?

நெல்லுக்கு இறைத்த நீர்,
வாய்க்கால் வழியோடி,
புல்லுக்கும் ஆங்கே
பொசியுமாம் - என்பதைப் போல்,

நிலத்தினில் ஒருக்காலும்,
கால் ஊன்றாமலே,
சேற்றின் ஆழமும்,
பயிரின் ரகமும்,
உரத்தின் தரமும்,
அறுவடைக் காலமும்,
தெரியாத - உனக்கும், எனக்கும்,
ஊருக்கும் எல்லாம்,

உணவை வழங்கி,
உயிர்களை தழைக்கச் செய்யும்,
உழவனை நினை,
ஆசையை குறை,
வயல்களை பேணு,
வாழ்வும் சிறக்கும், நம்பு!


எழுத்தோலை!

தேர்!


பந்தயப்புறா போலவே,
பல நூறு மையில் - மேலேப்
பறந்தேன் நானே,
சிந்தையில் அவள் பெயர்
பட்டுத் தெறிக்கும்
போதெல்லாம்,

புதுசாய் கொலுசொலி,
சினுங்கிடும் வளையொலி,
ஊஞ்சலாடும் கம்மலொலி,
அடையாளங்கள் சொல்லுமே,
அவள் வருமுன்னே - அசைந்தாடி
வரும் தேர், அவளென்று.


எழுத்தோலை!

Friday, January 4

விடியாது, கனவுகள் தானே!


நடுநிசி துரத்தலில்,
நாய்களாய்
பனிக்காற்றும்,
ஓலமிட்டு ஊளையிட,
நடுக்கத்தில்
உறைந்தோம்,
நானும்,
அவளும்,

அவள் குளிரை
நான் போக்க,
என் குளிரை
அவள் போக்க,
இரண்டறக் கலந்தோம்
போர்வைக்குள்,

காற்றுப்புகா
நெருக்கத்தில்,
பினைந்தோம்,
புதைந்தோம்,
எங்களை
மறந்தோம்,

களைந்தோம்,
ஆடை, அணிகலன்
எல்லாம்,
கோடையை,
மார்கழியில்
கண்டோம்,

கொண்டை ஊசி
வளைவாய்,
தொண்டை வரை
மோகம் - என்
கண்களில் தொடங்கி,
அவள்,
இதழ் வழி
நுழையுமோ?

இருட்டும் ஒரு
பொருட்டே,
இல்லாமல் போகுமோ,
குருட்டுப் பூனையாய்,
உருட்டல்கள்
தொடருமோ,

மிரட்டல்கள்,
போலே தொடங்கி
முனகல்கள்,
மூர்ச்சையடையுமோ,
மூச்சுப் பேச்சு
முழுசாய் நிற்குமோ,
முகம்,
வெட்கத்தில் சிவக்குமோ?
-
-
-
-
-
-
விடியுமோ,
சேவலும் கூவுமோ,
முடியுமோ,
கனவுகள்,

விடியாது,
கனவுகள் தானே,
நினைவுகள் - ஏதும்
நிஜம் பெறா வரைக்கும்.


எழுத்தோலை!

Thursday, January 3

இருப்பது ஒரு வாழ்க்கை!


இறக்கை கட்டிப் பறக்குதடா,
அதற்குள் - மூன்று நாளும்
போனதடா - ரேகை
ஆயுள் ரேகையதும்,
முடியும் இடம் நெருங்குதடா,
ரிவேர்சு கீரு இல்லா வாழ்க்கையிலே,
ரீவைண்டு பட்டன் யார்க் -
கையுளும் இல்லையடா,
இந்த நிமிடம் என்னிடத்தில்,
அடுத்து யாரிமென்று தெரியலையே,

இருப்பது ஒரு வாழ்க்கை,
வாழும்போதே ஏதேனும்
சாதனை - செய்துவிட்டு
செல்வாயடா.



எழுத்தோலை!

Wednesday, January 2

இனிய பிறந்தநாள் வாழ்த்துக்கள், அனோஸ்கா!


அன்பு முகம், ஆசை முகம்,
இரண்டும் ஒன்றர கலந்த,
ஒளிமுகம் கிள்ளை -
இளவரசி முல்லை,

சித்திரமே, சென்பகமே,
செந்தமிழ் சொல்லை,
சொல்ல, சொல்ல
மயக்கம் தரும் குரலை,

கேட்டிட, கேட்டிட
கிளியும், குயிலும்,
கூட்டாய் கூட்டை,
அடைந்திடும் ஞாபகமே,

தலை(தல) மகள் நீயும்,
தரணியை ஆளவே,
பிறந்து, தவழ்ந்திட்ட
நாளுமோ, நாளையும் ,

நாங்கள் எல்லாம்
திளைத்தோமே - என்னவோ,
எங்கள் மகள் பிறந்த
நாளைப் போல் இன்றே,

நாட்டிய நாடகம்
நடத்திட வேண்டாம்,
நகையாய் புன்னகை
வீசிடு  போதும்,

கற்கண்டு பலகாரம்,
தந்திட வேண்டாம்,
தமிழ் சொல்லில்
பேசிடு போதும்,

கருக்கொள் முகில்
சூழ்ந்த வானம் - மழை
பெய்யும் முன்னே - நம்மை
சூழ்ந்திடுமோ - அடை
மழை கடலில் - அள்ளி
வாரி தெளித்தாலும்,
அன்னை முகம் கொண்ட,
கடல் நம்மை அனைத்திடுமோ,

அனோஸ்கா நீயும்,
மழையோ, கடலோ
வாரி எங்களை,
அனைத்துக் கொண்டாய்,
தலயும், தலைவியும்,
போலே அன்பினில்,
எங்களை சூழ்ந்துக் கொண்டாய்,

அமர்க்களம், அட்டகாசம்,
செய்திடவே - வான்மதி நீயும்,
ஆசையாய், அசலாய்,
வரலாறுப் படைக்கவே,
ரெட்டை ஜடை வயதடைந்தாய்,
ராஜாவின் மகளாய்,
ஊரெல்லாம் வீசிடும்
பூவெல்லாம் உன் வாசம் - அதைக்
கண்டுக் கொண்டோம்,
கண்டுக் கொண்டோம்,
ஆனந்தப் பூங்காற்றை,

கிரிடம் சூட்டி நாளை,
உன்னை தேரில் சுமந்தே,
பாசமலர்களாய் - உன்
முகவரியில் நிற்ப்போம்.

வாழ்க நீ பல்லாண்டு,
பல நூறாண்டு - உன் அன்னை
தந்தையைப்  போலே என்றுமே,
இனிய பிறந்தநாள் வாழ்த்துக்கள்,
எங்களுயிர் செல்ல குட்டி,
அனோஸ்கா!

எழுத்தோலை!

Tuesday, January 1

புதுவருட பிரமாணம்!

கதறல்களும், சிதறல்களும்
முட்களாய்,   கூழான் கற்களாய்,
நிறைந்துக் கிடந்த
கடந்த வருடம் - நேற்றுடன்
சில மணித் துளிகளுக்கு
முன்னாள் கடந்துப் போனது,

இன்றோ நம் ,
கால்த்தடம் பதியும்,
இப்புது வருடம்,
பூக்களைப் பரப்பி,
புது உற்சாகம்  தந்திடுமோ?
நம்புவோம்,
நம்பி அடி எடுத்து வைப்போம்,
இடியே விழுந்தாலும்,

முயன்றதை  முடிக்காமல்
உறங்கோம்,
தளர்வின்றி தொடர்வோம்,
தாகம் தணிந்தாலும்,
தங்கம் மங்கினாலும்,
ஒருக்காலும் ஒழுக்கம் தவறேல்,
உடன் பிறவாத் தங்கைகளை
காப்போம்,
என்னும் சபதம் ஏற்ப்போம்,
அவ்வழியே நடப்போம்,
நண்பர்களுக்கும் அறிவுறுத்துவோம்,
நல்லன எல்லாம் செய்வோம்,
இல்லாதவர்களுக்கும்,
எளிவர்களுக்கும் உதவோம்,
பெற்றவரை பேணி க்காப்போம்,

எல்லாம் செய்து நற்ப் பெயர்
பெறுவோம், தரணியே போற்றும்,
நாளில் - உலக நாயகனாய் வலம்
வருவோம் இவ்வுலகை - என்றே
இன்றே சூளுரை ஏற்ப்போம்,
புது வருடத்தில், புது உலகை படைக்க.



எழுத்தோலை!

Saturday, December 29

குழந்தைத் தொழிலாளர் முறை! (எழுத்தோலை, கவிதைத் திருவிழா)


குழந்தைத் தொழிலாளர் முறை
(எழுத்தோலை, கவிதைத் திருவிழா)
-----------------------------------------------------

குழந்தை தொழிலாளர் -
களாம் நாங்கள்,
கலாம் ஐயா சொன்னதெல்லாம்,
கனவு காணவே - நாங்களும் கண்டோம்,

காண்கிறோம் - ஆனால், ஏனோ
இன்னும் விடியல், எங்கள்
திசையில் விடியவே இல்லை,
எங்கள் கனவும் பலிக்கவே இல்லை,

எங்கள் கரங்களும் எழுதிட ,
கண்களும் பார்த்துப்படித்திட,
இயலாமல் நாங்களும்,
பட்டாசை சுருட்டி,
செங்கலை அறுத்து,
பொட்டலம் மடித்து,
மேஜையை துடைத்தே,

அ னாவும், ஆ வன்னாவும்,
அறியாப் பிள்ளையாய்,
பெருக்கலும், கூட்டலும்,
கழித்திடத் தெரியா விழிக்கிறோம்,

பத்து விரல்களை
படைத்த இறைவன்,
ஒன்றையும் ஒன்றைப்
போல் படைக்கவில்லை,

ஏற்றத் தாழ்வு
நிறைந்த உலகில்,
ஏற்றமே ஏமாற்றமாய் நாளும்
எங்கள் வாழ்வில்.


எழுத்தோலை!

பெண்மையை காப்போம்!


சிற்றின்பம் தேடும்,
மனிதனும் ஏனோ,
பாவங்களைச் செய்ய
பயப்படுவது இல்லை,

அன்னை வயிற்றில் பிறந்தும்,
அக்காள், தங்கையுடன் வாழ்ந்தும்,
மனைவி, தோழிகளுடன் இருந்தும்,
மகளும், பேத்தியும் கண்டும்,

மாக்களைப் போல் மாறுவானேன்,
ஈவு, இறக்கம் துளியும்,
இல்லா அரக்கன் அவனே,
இச்சைக்கு வெறிக்கொண்டு அலைந்து,

பச்சைப் பிள்ளை என்றும்,
பகுத்தறிவு இன்றி - நாய்களாய்,
கூடப் பிறந்தவளையும்,
நடுத்தெருவில், பலவந்தம் புரிவானோ?

நாகரீகம் மறந்து,
நயவஞ்சக காம, சோம பான,
அரக்கன்ப் பிடியில்,
அடிமையாய் சிக்கி,

பார்க்கும் பெண்ணையெல்லாம்,
படுக்கையில் கிடத்திட துடித்து,
பாவம் மேல் பாவம் சேர்த்து,
உயிரையும் எடுத்திட துனியும்,

துனியும் நீயும் இனியும் - ஒருத்
துளியும் இவ்வுலகில் இருந்திடவே,
தகுதியும் இழந்து - நடுத்தெருவில்
ஆயிரம்பேர் மத்தியில்,

கழுத்தை இறுக்கி நெரித்தாலே,
பயம் கொண்டு எவனும்,
பார்வையினால் கூட எவரையும்,
வன்புணர்தல் முற்றும்.

பெண்மையைப் போற்றுவோம்,
பெண்மையை காப்போம், 




எழுத்தோலை!

http://www.youtube.com/watch?v=awDwlGWCrxg&feature=youtu.be


இன்றைய என் பிரியாணி!



பெட்டைக்கோழி இட்டு,
முட்டை வந்தது அந்தக் காலம்,
பெட்டையும் அடைக்காக்காமலே,
குஞ்சு வருவது இந்தக்காலாம்,

நாளில் இந்த நாளில் கூட,
புரியவில்லையே,
கருவுக்கு முந்தையக் குஞ்சும்,
குஞ்சுக்கு முந்தையக் கருவும்
முடிவில்லா இயற்கையின்,
விந்தையே,

(கொசுறு: கோழிக்குஞ்சோ, முட்டையோ,
முந்தியது யவரோ - அவரே
இன்றைய என் பிரியாணி.)


எழுத்தோலை!

அமைதியாய் உறங்குப் பெண்ணே!


தீப்பிளம்பினும் கொடியது,
மரணம்,
பூங்கோடியவள் அதை
தழுவிட்டத்தருணம்,
இடி, மின்னல், மழை,
வானில் மட்டும் அல்ல,
எங்கள், இதயங்களிலும்
இடைவிடாத சலனம்,

இது இயற்கையின்
சீற்றம் அல்ல,
காமக் கயவர்களினால்
நேர்ந்த,
கொடுமையின் உச்சக்
கோரத்தாண்டவமே,

மீளாத் துயருக்கு,
எங்களை ஆளாக்கிவிட்டு,
கடவுளாகிப் போன
எங்கள் வீட்டுப் பெண்ணே,

உன்னோடு சேர்த்து - இந்த
கொடுமைதனைக் கொளுத்துவோம்,
இனியும் என்றும்,
வேண்டவே வேண்டாம்,

இன்னொருப் பாவச்செயல்,
இன்னொரு மரணம்,
இன்னொருத் துயரத்தருணம்,

அமைதியாய் உறங்குப் பெண்ணே,
உன்னாலே இந்த உலகம் மாறும் நம்பு.



எழுத்தோலை!

ஸ்ரீ நாராயணி நமோஸ்துதே!

Dec`28

உலர்திராட்சையும்,
உயிர்க்கொண்டு சிரிக்கும்,
இதழில் உன் இதழினோரம்,
உட்கார்ந்துப் பறந்துபோகும்,
ஈயாய், தேனீயாய் - நான்
இருக்க விருப்பமில்லை,

ஓய்வின்றி உனைச்சுற்றி,
ஒரு நொடியும் உறங்காமலே,
பசிக்காமலே, பசிப்பதுப்போல்
நடித்தே,
கண்டு, உண்டு களித்திடவே,
வரமொன்று தருவாயோ,

ஸ்ரீ நாராயணி நமோஸ்துதே!


(உலக நாயகன் கவிதை தழுவல்)


எழுத்தோலை!

Tuesday, December 25

வாழ்த்திட வாருங்கள் நண்பர்களே!



கனடா நாட்டின், முதல் தமிழ் பெண் பாராளுமன்ற உறுப்பினர், அன்பு சகோதரி, உயர்திரு. ராதிகா சிற்சபை ஈசன் அவர்களின் பிறந்தநாள் இன்று,

வாழ்த்திட வாருங்கள் நண்பர்களே!
---------------------------------------------------------

அன்பு சகோதரி, உயர்திரு. ராதிகா சிற்சபை ஈசன் அவர்களே!

பிறந்தநாளோ உங்களுக்கும் இன்று,
வாழ்த்திட உங்களை, அமுதத் தமிழில்
வரிகளைக் கோர்க்கிறேன் - நானும்
உங்களின் விசிறியாய், தொடரியாய்,
உங்கள் வளர்ச்சியின் விருட்சத்தை,
வேரிலிருந்து, நுனி வரை, இன்றும்
என்றும் கவனிக்கும் பாமரனாய் என்றும்.

வாழ்த்துக்கள், என் இனிய பிறந்தநாள்
வாழ்த்துக்கள்.

இன்றுப் போல் என்றும்
உங்கள் தமிழ் தொண்டும்,
தொடர்ந்திடவும் - உங்கள்
புகழ் உயர்ந்திடவும்
இறைவனை துதித்தே
வணங்குகிறேன்.

வாழ்த்துக்கள், என் இனிய பிறந்தநாள்
வாழ்த்துக்கள்.

 
எழுத்தோலை!

நெஞ்சுக்குள்ள!



"நெஞ்சுக்குள்ள உந்தன் நெஞ்ச வச்சேன்,
நெஞ்சுக்குள்ள உந்தன் நெஞ்ச வச்சேன்,
மிச்ச சொச்சம் என்னிடத்தில் ஏதுமில்ல,
இமை பிசக விலகி ஏன் ஓடுற புள்ள,
இமைக்காமல் பார்த்திட பக்கத்தில் நீயுமில்ல,
மலை கல்லாகி, மண்ணாகி பறந்தாச்சி ,
என் காதலும் ஏனோ உன்னாலே பழுதாச்சி,
நீ சொன்னாலும், சொல்லாம விட்டாலும்,
சொகம் எல்லாமே, பெண்ணே உன்னாலே."



கடல் படத்தில் இடம்பெறும் நெஞ்சுக்குள்ள
பாடலின் ராகத்தில் எனது வரிகள்.

நண்பர்களின் கருத்துகள் வரவேற்கபடுகிறது.
 
 
எழுத்தோலை!

Sunday, December 23

அன்னிய முதலீடும், நம் நாடும்...!


"தமிழகக் கவிஞர் கலை இலக்கியச் சங்கம்"
நடத்திய 320வது மாத தொடர் கவியரங்கத்தில் நானும், "அன்னிய முதலீடும், நம் நாடும்...!" என கொடுக்கப்பட்ட தலைப்பில் என் கவிதையும், இன்று.


------------------------------------------------

முதல்ப் போட்டு விதை வாங்கி,
விடியலுக்கு முன் உழுது, உரம்போட்டு,
ஒருக் காணி நிலம் கொண்டவனும்,
ஒரு நாளும் பசியாறா - இந்நாட்டில்,

துணையாய் வந்தவள்,
கொண்டுவந்த சீதனமும்,
சிறுத்தொழில் தொடங்க,
முதலாய் வைத்த அடகும்,
மூழ்கும் நிலையை அடைந்தும்,
மீட்டவோ, வியாபாரத்தைக்
கூட்டவோ முடியா - முழிப்
பிதுங்கி நிர்ப்பவனும் - இந்நாட்டில்,

தெருவோரம் கூறுக் கட்டி
கூவிக் கூவி அழைத்தாலும்,
குதிரையின் மேல், போவதைப்போல்
வரிசை, வரிசையாய் வண்டிக்கட்டி
போவோர் யாரும் - பாவமாய்க்
கூட இவர்களை பார்ப்பதில்லை - இந்நாட்டில்,

எது எப்படி இருந்தாலும்,
விலை ஏற்றம் கண்டாலும்,
வெந்த பயிர், விளையவா போகிறது?
விதியென்று வாழ்ந்துவிட்டு,
வீதியில் படுத்துறங்கும் பாமரனும் - இந்நாட்டில்,

அன்னிய முதலீடு வந்தால் என்ன,
அள்ளிக்கொண்டா போவர் என்னை ?
ஏர் உழுதால் எனக்கென்ன,
எருமை பால் சுரந்தால் எனக்கென்ன,
எட்டு ரூபாய் கொடுக்குமிடத்தில்,
பதினெட்டு ரூபாய் கொடுக்க நான் தயார்,
என்பவனும், பணம் கொலுத்தவனும் - இந்நாட்டில்,

அன்னியர் ஆட்சியின் அவலம் கண்டே,
அடிமைத்தனம் இனியும் வேண்டாம் என்றே,
அடித்து விரட்ட மாண்டவர் கோடி,
அகிம்சை ஒன்றே ஆயுதமாய் தாங்கி,
அறப்போர் செய்தும் வாங்கிய சுதந்திரம்,
முழுதாய் நம்மை அடைவதர்க்குள்ளே,
மீண்டும் அன்னியன் முதலீடு மூலமாய்,
தந்திரமாய் நுழைவதும் நியாயமோ?

யார் எப்படியோ?
எனக்கென்றொரு விதி வகுத்து,
வாழ்ந்துவரும் இந்தியன் நான்,
பிறந்ததும், வளர்ந்ததும் இவ்விடமே,
இருந்தாலும், இறந்தாலும் இவ்விடமே,
இருப்பதைக் கொண்டே,
வாழ்ந்துவிட்டுப் போகிறேன்,
இனியும் வேண்டாம் - இன்னொரு,
சுதந்திர போராட்டம் - இல்லை
எங்களுடன் மகாத்மாவும், மாவீரர்களும்,
வேண்டாம் அன்னிய முதலீடு,
வேண்டவே, வேண்டாம் -
அன்னியர் முதலும், முதலும் கடைசியுமாய்.

எழுத்தோலை!

Saturday, December 22

எழுத்தோலை, கவிதைத் திருவிழா!







எழுத்தோலை, கவிதைத் திருவிழா!

(புதுவருட கவிதைக் கொண்டாட்டம்)


கவிஞர்களை அழைக்கிறோம்!

தமிழின் மேல் அன்புக்கொண்டு, தமிழ் மொழியில் பேசிக்கொண்டிருக்கும் நாம், தமிழ் வளர்க்கவும் கடமைப்பட்டுள்ளோம்...., தமிழ் வளர்க்க நம்மால் என்ன
செய்ய முடியும்?

தமிழில் எழுதி, தமிழ் பேசி, தமிழ் சொற்களை முடிந்த வரையில், வேண்டிய இடத்தில் பயன்படுத்துங்கள், அதுவே நம்மால் செய்ய இயன்ற தமிழ் பனி. உங்களுக்கு கற்பனை சக்தியும், தமிழறிவும் துளியேனும் இருக்குமானால் நீங்களும் கவிஞரே!, வெளிக் கொண்டுவாருங்கள் உங்களுள் ஒளிந்திருக்கும் கவிஞரை,

கவிதை திருவிழாவில் உங்கள் கவிதைகளையும் அரங்கேற்றுங்கள், சிறந்த கவிதையாய் உங்களதும் தேர்ந்தெடுக்கபடும் எனில் அதற்குரிய சிறந்த பரிசையும் தட்டி செல்லுங்கள்,

"எழுத்தோலை, கவிதைத் திருவிழா" இணையத்தில் இணைத்து உலக அளவில் பரவிக்கிடக்கும் தமிழ் நெஞ்சகள் மகிழ, நமது இனிய தமிழை வளர்க்க, மேற்கொள்ளப்பட்டுள்ள முதற்கட்ட முயற்சியே.

போட்டிக்கான தகவலுக்கு :
https://www.facebook.com/events/441656145897811 இணைய முகவரியில் தொடர்பு கொள்க. மேலும், நிகழ்ச்சியின் தொடர் தகவலுக்கு https://www.facebook.com/ezutholai  என்னும் இணைய முகவரியையும் தொடந்து தொடருங்கள்.


தொடர்பு கொள்க :
8939431932 / ezuttholai@gmail.com



நன்றி,
எழுத்தோலை!


Thursday, December 20

அம்மன் வேண்டுதலில் அம்மணி!


அந்தியில் மங்கும் சூரியன்,
அழகை அள்ளித் தெளித்தார்ப் போல்,
ஆங்காங்கே, மஞ்சளும் சிவப்பும்
கரைத்து வடித்த ஓவியக் குவியல்,

அம்மன் வேண்டுதலில் அம்மணி,
அடியெடுத்து நடந்து வரும் தேர் பவனி.


எழுத்தோலை!

நன்றி: https://www.facebook.com/noeldegorky
காட்சியை கவியாக்க உதவிய கலைஞருக்கு.

பிடியில் உன் கைபிடியில்!


உலகம் அழியும் நொடியிலேனும்,
உன் மடியில் கிடக்க வேண்டும்,
அடிவிழுந்தாலும், இடிவிழுந்தாலும்,
இரண்டுமே உனது கண்களின் தாக்குதலே,
உயிர் பிரியும், அப்படி பிரிந்தாலும்,
நொடிப் பொழுதும் கவலைகொளேன்,

பிடியில் உன் கைபிடியில் - நான்
இறுக்க கிடப்பதால்.


எழுத்தோலை!