May`31
நேற்றைய மாலைப் பொழுதும்
நேரலை காட்டிக் சென்றது,
நீ - மணக்க கொதிக்க விட்ட - நெத்திலி
கருவாட்டுக் குழம்பு,
எட்டு ஊரை கடந்து
எங்கள் தெருவில் மணக்குதடி
உன் கைப் பக்குவ அழகில் - நெத்திலி
கருவாட்டுக் குழம்பு,
கண்ட நேரத்திலே
நாவும் நீரை இறைக்க - உண்ண
என்னை தூண்டுதே, நீ வைத்த - நெத்திலி
கருவாட்டுக் குழம்பு,
என்றுனை சேர்வேனோ
அந்நாளில் எல்லாம் சாத்தியமே - உண்டு
களித்து உளம் மகிழவைக்கும் - நெத்திலி
கருவாட்டுக் குழம்பு,
கனவெல்லாம், உன் கைப்பிடி பிடித்தே,
ஒருருண்டை எனக்கூட்டும், உன்
விரல் ஸ்பரிச வாசம் கூட்டும் - நெத்திலி
கருவாட்டுக் குழம்பு,
நேற்றைய மாலைப் பொழுதும்
நேரலை காட்டிக் சென்றது,
நீ - மணக்க கொதிக்க விட்ட - நெத்திலி
கருவாட்டுக் குழம்பு,
நீ - மணக்க கொதிக்க விட்ட - நெத்திலி
கருவாட்டுக் குழம்பு.
எழுத்தோலை!
No comments:
Post a Comment